«Нюанс быў у чым: мы ўскладнілі праверку ўздзеяннем у пастаянным рэжыме дыверсійна-разведвальнымі групамі (умоўнага. — Заўвага БелТА) праціўніка. Мы праверку завяршылі, далажылі Прэзідэнту пісьмова з усімі праблемнымі пытаннямі, станоўчымі момантамі. Станоўчых момантаў больш, зразумела: высокі маральны дух, жаданне і здольнасць выконваць задачы, імкненне выконваць задачы», — падкрэсліў Аляксандр Вальфовіч.

Ён не стаў адмаўляць, што праверка выявіла і некаторыя праблемы. Паколькі для гэтага, па сутнасці, і праводзяцца такія мерапрыемствы: каб выявіць праблемныя месцы і вырашыць іх.

Даючы ацэнку праверцы баявой гатоўнасці, дзяржсакратар Савета бяспекі заявіў, што ваеннаслужачыя справіліся на 9,5 з 10.

«Праверкі даюць магчымасць ацаніць ступень кіруемасці, аснашчанасці, навучанасці і гэтак далей. Ва ўмовах, калі рэчаіснасць патрабуе павышанай увагі да пытанняў нясення баявога дзяжурства, баявой службы, выканання аператыўна-вышуковых задач, гэта найбольш аптымальны спосаб падрыхтаваць падраздзяленні. Гэта самы лепшы варыянт падрыхтоўкі нашага сілавога блока да выканання задач па прызначэнні», — заявіў у сваю чаргу намеснік кіраўніка Адміністрацыі Прэзідэнта Павел Муравейка.