Раней Аляксандр Вальфовіч па даручэнні Прэзідэнта Беларусі Аляксандра Лукашэнкі сустракаўся з кіроўцамі велікагрузаў, якія знаходзяцца ў Беларусі пасля закрыцця Літвой граніцы. Як адзначыў дзяржсакратар Савета бяспекі, на тэрыторыі Беларусі цяпер знаходзіцца звыш 1,8 тыс. літоўскіх аўтамабіляў.

«Яны знаходзяцца (тут. — Заўв. БелТА) толькі з адной прычыны: кіраўніцтва Літвы не хоча ісці на канструктыўны дыялог на палітычным узроўні. Толькі за кастрычнік літоўскае кіраўніцтва закрывала дзяржаўную граніцу чатыры ці пяць разоў, ад 3 да 17 гадзін, без усялякага паведамлення, парушаючы ўсе міжнародныя каноны і нормы, — сказаў Аляксандр Вальфовіч. — Беларусь — за тое, каб граніца функцыянавала так, як яна павінна функцыянаваць: устойліва, стабільна, прагназуема і адкрыта».

Са слоў дзяржсакратара Савета бяспекі, ён праехаў уздоўж дзяржаўнай граніцы на літоўскім напрамку і пагутарыў з кіроўцамі, патлумачыўшы ім прычыны сітуацыі, якая склалася. «Вядома, людзі пакутуюць, людзей гэта хвалюе. Прэзідэнт пра гэта думае пастаянна, — адзначыў ён. — Мне было даручана паглядзець, якія ў іх ёсць праблемы, растлумачыць ім сітуацыю, што не Беларусь справакавала гэту абстаноўку, не па віне Беларусі яны засталіся тут. Беларусь гатовая да канструктыўнага дыялогу з усімі сваімі суседзямі на палітычным узроўні. Гэтым павінна займацца Міністэрства замежных спраў».

Аляксандр Вальфовіч адзначыў, што кіроўцы з разуменнем паставіліся да сітуацыі і тых пытанняў, якія неабходна было абмеркаваць і вырашыць. «З людзьмі трэба размаўляць. Яны з удзячнасцю ўспрынялі размову і перадалі словы падзякі нашаму Прэзідэнту. Пра гэта таксама быў праінфармаваны Аляксандр Рыгоравіч Лукашэнка», — дадаў дзяржсакратар Савета бяспекі.