«Ні адзін урад, ні Польшчы, ні Літвы, ні Латвіі, не ідзе на канструктыўны дыялог, не хоча весці нармальную міжнародную практыку, як гэта прынята ў свеце: па лініі міністэрстваў замежных спраў знаходзіць шляхі вырашэння тых праблемных пытанняў, якія ёсць паміж дзвюма дзяржавамі. Мы не ўшчамляем інтарэсы Польшчы і краін Прыбалтыкі, мы не дыктуем ім, як жыць. І не трэба нам дыктаваць», — падкрэсліў Аляксандр Вальфовіч.

Паводле яго слоў, дзяржава робіць высновы з ваенна-палітычнага становішча, якое складаецца вакол краіны, і прымае адпаведныя рашэнні. І праверка Узброеных Сіл стала зрэзам гатоўнасці арміі выканаць ускладзеныя на яе задачы.

«Людзі ў пагонах на чале са сваім Галоўнакамандуючым рыхтуюцца ў любую хвіліну абараніць нашы нацыянальныя інтарэсы, нашу краіну. Таму гэта праверка — зрэз гатоўнасці Узброеных Сіл перш за ўсё як ядра ваеннай арганізацыі дзяржавы быць гатовымі выканаць тыя задачы, якія яны маюць у адпаведнасці са сваім прызначэннем», — сказаў дзяржсакратар Савета Бяспекі.