У міліцыю звярнуліся мінчанка і жыхар Стаўбцоўскага раёна, якія сталі ахвярамі махлярства ў Інтэрнэце. 46-гадовая мінчанка мінулым летам вырашыла разабрацца са складанасцямі ў сямейных адносінах з дапамогай варажбіткі. Яна звярнулася да 37-гадовай жыхаркі Стоўбцаў, якая пасля раскладу карт таро вызначыла наяўнасць сур’ёзных праблем і прапанавала зняць псуту пры дапамозе платных абрадаў. На ўказаны таролагам рахунак мінчанка перавяла Br37 тыс. у тым ліку і крэдытных. Фігурантка падманвала пацярпелую да снежня 2025 года.

Па аналагічнай схеме прыкладна ў гэты ж час трапіў у сеткі варажбіткі-аферысткі і 53-гадовы жыхар Стаўбцоўскага раёна. Мужчына звярнуўся па аб’яве аб зняцці псуты. Для правядзення рытуалаў па запыце варажбіткі ён даслаў фатаграфію твару, далоні і запясця. Усяго пад яе уплывам кліент перавёў за аказаныя паслугі Br42 тыс.

Супрацоўнікі па супрацьдзеянні кіберзлачыннасці ўстанавілі фігурантку і затрымалі. Грошы яна патраціла на ўласныя патрэбы і прайграла ў анлайн-казіно. Заведзена крымінальная справа за махлярства, здзейсненае ў асабліва буйным памеры. Жанчыне пагражае да 12 гадоў пазбаўлення волі.

«Будзьце пільныя пры зносінах у інтэрнэце і ні пры якіх абставінах не пераводзьце грошы незнаёмцам», — нагадаў пра галоўныя меры бяспекі начальнік упраўлення па супрацьдзеянні кіберзлачыннасці УУС Мінскага аблвыканкама Павел Строк.