«1 верасня ва ўсіх установах адукацыі праходзяць урачыстыя мерапрыемствы, прымеркаваныя да Дня ведаў, і адзіны ўрок «Веды сёння — сіла і працвітанне Беларусі заўтра!», — адзначылі ў ведамстве.

Тэмамі для абмеркавання ў гэтым годзе сталі павага да дасягненняў нашага народа і важнасць захавання спадчыны для будучых пакаленняў. Першы ўрок дапаможа выхаваць пачуццё гонару і адказнасці за сваю краіну.

У Мінадукацыі нагадалі, што метадычныя матэрыялы, прэзентацыі і сцэнарыі з бібліятэкі адзіных урокаў размешчаны на Нацыянальным адукацыйным партале. Пры распрацоўцы сцэнарыя педагогамі ўлічваюцца ўзроставыя асаблівасці навучэнцаў, узровень падрыхтоўкі класа, мясцовы краязнаўчы матэрыял і традыцыі ўстановы адукацыі.