У Беларусі 15 верасня прагназуецца ветранае з дажджом надвор’е. Пра гэта паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Паводле звестак сіноптыкаў, будзе воблачна з праясненнямі. Уначы па Брэсцкай і Гродзенскай абласцях, а раніцай і днём пераважна па заходняй палове рэспублікі часам магчымы дажджы. Вецер паўднёва-ўсходні, паўднёвы парывісты. Днём у асобных раёнах краіны чакаецца ўзмацненне ветру парывамі 15-18 м/с.
Уначы тэмпература паветра складзе плюс 9-15 градусаў. Днём паветра прагрэецца да 14-20 градусаў. Па ўсходзе краіны слупкі тэрмометраў пакажуць да +25.
