Да праваахоўнікаў звярнулася 74-гадовая жыхарка Партызанскага раёна, якая ў сацыяльнай сетцы пазнаёмілася з мужчынам па імені Крысціян. З ім завязаліся рамантычныя адносіны па перапісцы. Суразмоўца расказаў, што праходзіць службу ў Сірыі, дзяліўся асабістымі фотаздымкамі, а таксама меў намер прыехаць да жанчыны ў госці. Праз месяц мужчына паведаміў пра раптоўныя фінансавыя цяжкасці і папрасіў перавесці на яго рахунак $1 тыс.

Мінчанка адправілася ў бліжэйшае аддзяленне банка, каб перавесці грошы. Пільны супрацоўнік фінансавай установы ўважліва выслухала пенсіянерку і зразумела — жанчына стала ахвярай падману. Грошы ўдалося захаваць.

Заведзена крымінальная справа.

У міліцыі нагадваюць, што пры зносінах у інтэрнэце важна выконваць базавыя правілы бяспекі: не паведамляць нікому свой адрас і не пералічваць грошы, нават калі суразмоўца абяцае іх хутка вярнуць.