Босак, адказваючы на пытанне вядучага радыёстанцыі пра тое, ці павінна Варшава імкнуцца да перазагрузкі адносін з Мінскам па прыкладзе ЗША, адказаў, што гэта было б у інтарэсах польскай дзяржавы. Палітык у той жа час адзначыў, што сёння дзве краіны знаходзяцца ў «вельмі варожых стасунках», і ўладам у Польшчы будзе цяжка памяняць гэту кан’юнктуру.

Віцэ-спікер заявіў, што гэта адбываецца, у прыватнасці, з той прычыны, што некалькі гадоў таму Польшча занадта паглыбілася ў палітыку спроб ажыццявіць змену ўлады ў Беларусі. Цяпер, з яго слоў, не дабіўшыся ніякіх вынікаў, Варшава нясе выдаткі гэтых спроб.