Грамадзянін Германіі, які рухаўся на аўтамабілі Fiat Ducato з Латвіі праз прапускны пункт «Грыгароўшчына», сярод рэчаў перавозіў чатыры zip-пакеты і ёмістасць з марыхуанай. Наркотык учуў службовы сабака. Пасля экспрэс-экспертызы, якая пацвердзіла наяўнасць наркатычнага рэчыва, высветлілася, што агульная маса забароненых рэчываў склала каля 12 г.

У іншым выпадку таксама службовы сабака выявіў наркотык, які перавозіў мужчына, што пражывае ў Эстоніі. Пры даглядзе яго аўтамабіля Toyota RAV 4 мытнікі знайшлі ў падлакотніку заводскую ўпакоўку ад тытуню, у якой знаходзілася сумесь марыхуаны і рэчываў расліннага паходжання агульнай вагой каля 8 г. Таксама медыцынскім аглядам было ўстаноўлена, што пры перасячэнні латвійска-беларускай граніцы мужчына знаходзіўся ў стане наркатычнага ап’янення.

Па першым факце Віцебская мытня распачала крымінальную справу паводле ч. 2 арт. 328 КК. Па другім эпізодзе матэрыялы праверкі ў рамках гэтага ж артыкула КК былі перададзены ўпраўленню Следчага камітэта па Віцебскай вобласці для вырашэння пытання аб завядзенні крымінальнай справы.

Санкцыі артыкула прадугледжваюць пазбаўленне волі на тэрмін да 5 гадоў.