Пры абмеркаванні працы службы выступілі прадстаўнікі Мінска, Мінскай і Віцебскай абласцей. Разгледжаны асноўныя напрамкі работы, характар зваротаў, пытанні, якія патрабуюць дадатковай увагі з боку арганізацый ЖКГ.

Сярод найбольш распаўсюджаных зваротаў — пытанні водазабеспячэння і водаадвядзення, утрымання жыллёвага фонду і прыдамавых тэрыторый, стану вулічна-дарожнай сеткі, электразабеспячэння і іншых камунальных паслуг.

Па выніках абмеркавання вызначаны меры, накіраваныя на павышэнне эфектыўнасці работы службы «115» і зніжэнне колькасці паўторных зваротаў.

Акрамя таго, на пасяджэнні расказалі пра меры па ўмацаванні грамадскай бяспекі і дысцыпліны. У сістэме МЖКГ працягваецца работа па забеспячэнні бяспечных умоў працы, пажарнай і прамысловай бяспекі, бяспекі дарожнага руху. За першае паўгоддзе 2026 года забяспечанасць работнікаў сродкамі індывідуальнай абароны склала 99,62%.

Скарочана 440 працоўных месцаў са шкоднымі і (або) небяспечнымі ўмовамі працы. Колькасць работнікаў, занятых на такіх месцах, у сярэднім скарацілася на 6,5%.

Інжынерамі па ахове працы арганізацый праведзена 7156 праверак, выяўлена 23 965 парушэнняў, з якіх 98,3% ліквідавана. Грамадскімі інспектарамі па ахове працы выяўлена 16 779 парушэнняў, 99,2% з іх ліквідавана.

Працягваецца падрыхтоўка і павышэнне ўзроўню ведаў работнікаў: за першае паўгоддзе ў навучальных цэнтрах праверку ведаў па пытаннях аховы працы прайшлі 6116 чалавек, яшчэ 56 437 работнікаў — непасрэдна на прадпрыемствах.