«Сёння раніцай на водазаборы па вул. Карла Маркса ў Жлобіне адбылося адключэнне халоднага водазабеспячэння. У выніку паломкі без халоднага і гарачага водазабеспячэння засталіся райцэнтр, а таксама вёскі Саланое, Акцябр і Грабск», — расказалі ў райвыканкаме.

«Спецыялісты ліквідуюць аварыю на водазаборы. Арганізаваны падвоз вады ў розныя раёны горада. Усе кругласутачныя сацыяльныя ўстановы вадой забяспечаны. Водазабеспячэнне будзе адноўлена сёння», — запэўнілі ў райвыканкаме.

Пункты падвозу пітной вады арганізаваныя каля крамы «Тры жаданні», па вул. Шасейная, 109, каля гандлёвага цэнтра ў мікрараёне 16, каля крамы «Суседзі» па вул. Казлова, каля рэстарана «Космас» у мікрараёне 2, каля крамы «Маяк» (былы «Алмі») па вул. Войкава, 1, каля будынка сельвыканкама ў вёсцы Саланое. Інфармацыя аб пунктах падвозу пастаянна абнаўляецца. 

Як расказалі ў МНС, пасля паведамлення аб аварыі да месца неадкладна выехала аператыўная група Жлобінскага раённага аддзела па НС, а таксама абласнога ўпраўлення МНС. Праведзена пасяджэнне камісіі па НС пры райвыканкаме. «Ратавальнікі ажыццявілі адпампоўку вады на водазаборы, а таксама падвоз вады для тэхнічных патрэб цэнтральнай раённай бальніцы. Задзейнічана 2 адзінкі тэхнікі МНС і 7 ратавальнікаў», — адзначылі ў МНС.

Сітуацыя па аднаўленні водазабеспячэння знаходзіцца на кантролі Гомельскага аблвыканкама.