Адзначаецца, што ў горшым выпадку дэфект можа прывесці да адмовы рулявога кіравання. У Германіі адкліканню падлягаюць каля 960 тыс. аўтамабіляў, з якіх 900 тыс. Volkswagen і амаль 60 тыс. Audi.

Канкрэтна гаворка ідзе пра мадэлі VW Golf, Golf Variant, Tiguan, Touran, Caddy, вырабленыя ў перыяд з 24 верасня 2013 года па 1 ліпеня 2024 года, і Audi Q3, вырабленыя з 31 кастрычніка 2017 года па 23 мая 2024 года.

Раней аўтаканцэрн Volkswagen абвясціў аб планах скараціць блізу 50 тысяч працоўных месцаў на фоне падзення маржынальнасці брэнда і жорсткай канкурэнцыі з вытворцамі з Азіі. Абнародаванне негатыўнага прагнозу ў дачыненні да прыбытку вымусіла кіраўніцтва Volkswagen пайсці на крайнія меры: праграма рэструктурызацыі прадугледжвае закрыццё заводаў на тэрыторыі Германіі — упершыню ў пасляваеннай гісторыі брэнда. Меры, якія прымаюцца, выклікалі хвалю пратэстаў: у верасні прафсаюзы правялі па ўсёй Германіі больш за 280 акцый. Крызіс нямецкага аўтапрама перастаў быць праблемай асобнага бізнесу і ператварыўся ў агульнадзяржаўную, адзначала выданне Baltnews.