— У Беларусі назапашаны каласальны вопыт прымянення навігацыйных пломбаў, — сказаў член Калегіі (міністр) па мытным супрацоўніцтве Еўразійскай эканамічнай камісіі Руслан Давыдаў.

У Беларусі праект па выкарыстанні навігацыйных пломбаў запушчаны ў 2020 годзе. За гэты час больш за 1,5 мільёна пломбаў былі паспяхова ўжытыя. З 2025-га яны прымяняюцца пры перавозцы грузаў паміж Беларуссю і Расіяй.

— Мы фактычна піянеры і перадавікі для еўразійскай пяцёркі. На нашым вопыце, у тым ліку ўзаемадзеяння з Расіяй, і праграмным прадукце выбудоўвалася сістэма выкарыстання пломбаў у ЕАЭС, — заявіў генеральны дырэктар прадпрыемства «Белмытсэрвіс» Дзмітрый Кавалёнак. — Пломбы даказалі сваю эфектыўнасць: гэта паскарэнне праходжання граніцы і памяншэнне кантрольнай нагрузкі на бізнес.

Услед за нашым станоўчым вопытам рушылі калегі. Па словах Дзмітрыя Кавалёнка, навацыя акажа эфект і на звычайнага спажыўца.

— Будзе забяспечана пацвярджэнне якасці падакцызных тавараў, якія сёння могуць быць увезены з выкарыстаннем нелегальных схем. А электронная пломба забяспечвае прасочвальнасць ад адной мяжы да іншай як транзітам, так і ў рамках унутранага гандлю ў ЕАЭС, — растлумачыў ён.

Пломба з’яўляецца бясшвовай, яна не перавешваецца на ўсім шляху руху.

— Калі тавар едзе, умоўна, з Казахстана або Кітая, на яго навешваецца пломба, і да Беларусі яна не будзе распячатвацца, уся інфармацыя будзе захоўвацца ў першапачатковым выглядзе. Цэласнасць і якасць грузу застаюцца ў захаванасці, — дадаў Дзмітрый Кавалёнак.