Акрамя супрацоўнікаў аэрапорта ў вучэнні ўдзельнічалі прадстаўнікі некаторых арганізацый і ведамстваў. Паводле легенды ў аэрапорце сутыкнуліся два паветраныя судны, калі адно выконвала пасадку, а іншае заняло папярэдні старт перад узлётам. Гэта прывяло да пажару.

У прэс-службе растлумачылі, што асноўныя мерапрыемствы па саміх аварыйна-выратавальных работах на сённяшнім вучэнні разглядаліся ў тэорыі і з рэальным выездам пажарных разлікаў і аператыўнага штаба па трывозе да месца меркаванага авіяздарэння. На справе такія задачы адпрацоўваюцца ў ходзе практычных штогадовых вучэнняў, а таксама падчас буйнамаштабнага вучэння, якое аэрапорт арганізоўвае адзін раз у два гады з прыцягненнем МНС, Міністэрства аховы здароўя і іншых ведамстваў.

Правядзенне падобных мерапрыемстваў накіравана ў тым ліку на выяўленне магчымых недахопаў у рэалізацыі палажэнняў аварыйнага плана і яго ўдасканаленне.