«Генафонд чыста беларускіх коз у нас не зарэгістраваны. Але гэта будучыня. На гэты момант навука стварае ў сябе, у „ЖодзінаАграПлемЭліта“, невялікую ферму па гадоўлі коз. Цяпер плануюць купіць племянное пагалоўе. І ў далейшым яны, вядома, будуць працаваць над тым, каб была свая, беларуская, парода, устойлівая да нашага мікраклімату, нашых захворванняў», — адзначыла Наталля Соніч.

Агульная колькасць коз ва ўсіх катэгорыях гаспадарак у Беларусі — 48 тыс. галоў. З іх 93 працэнты ўтрымліваюцца ў гаспадарках насельніцтва, яшчэ 2 працэнты — у сялянска-фермерскіх гаспадарках, астатнія 5 працэнтаў — у сельгасарганізацыях. І вось над апошняй лічбай трэба будзе значна папрацаваць.

«У нас у краіне вельмі шмат дзетак і насельніцтва з алергічнымі рэакцыямі, і не ўсім падыходзіць каровіна малако. Таму яшчэ з даўніх часоў казінае малако — гэта залог здароўя. І мы зрабілі акцэнт на развіцці козагадоўлі, каб загрузіць нашу перапрацоўку якаснай прадукцыяй ад коз. Асабліва, каб прадукты дзіцячага харчавання пайшлі. Каб мы не закуплялі, а гэта было наша, айчыннае, — звярнула ўвагу начальнік галоўнага ўпраўлення. — У насельніцтва і ў сельгасарганізацыях надой на некаторых асобінах дасягае да 7 кг і больш. Напрыклад, на Магілёўскім дзяржплемпрадпрыемстве ёсць козачкі, якія даюць у дзень 5,8 л малака. Гэта сведчыць аб тым, што, магчыма, пагалоўем кароў з нізкай прадукцыйнасцю, якія даюць толькі тону ў год, займацца нявыгадна. Можа, лепш утрымліваць козачку, якой трэба менш кармоў, і менш затрат на ўтрыманне».