Навукоўцы не толькі ствараюць новыя веды, але і фарміруюць стратэгічнае бачанне развіцця навукі, удзельнічаюць у экспертнай ацэнцы ключавых рашэнняў. Пра гэта заявіў Прэзідэнт Беларусі Аляксандр Лукашэнка на цырымоніі ўручэння дыпломаў доктара навук і атэстатаў прафесара навуковым і навукова-педагагічным работнікам, паведаміла БелТА.
Кіраўнік дзяржавы адзначыў, што перад айчыннай навукай стаяць стратэгічныя задачы: развіццё высокатэхналагічных вытворчасцяў, міждысцыплінарных даследаванняў і вытворчых школ, інтэграцыя навукі, адукацыі і рэальнага сектара эканомікі з выхадам на ўкараненне і серыйную вытворчасць. «Павышэнне прадукцыйнасці такога ўзаемадзеяння і зніжэнне тэхналагічнай залежнасці — наш галоўны прыярытэт», — заявіў ён.
У сувязі з гэтым Аляксандр Лукашэнка ўказаў на асаблівую ролю, якую навукоўцы адыгрываюць у гэтай сістэме: «Вы не толькі ствараеце новыя веды, але і фарміруеце стратэгічнае бачанне развіцця навукі, удзельнічаеце ў экспертнай ацэнцы ключавых рашэнняў».
