Галоўнымі прэм’ерамі Вялікага тэатра Беларусі другой паловы 2025 года Кацярына Дулава назвала спектакль «Арлеанская дзева» П. І. Чайкоўскага, а таксама балет «Шчаўкунчык». «Абодва спектаклі вельмі яркія, арыгінальныя. Што датычыцца „Шчаўкунчыка“, то гэта вяртанне да казкі Э. Гофмана. Трэба адзначыць, што абедзве лялькі для пастаноўкі вырабіла сама мастак Вольга Мельнік. І самым вялікім адкрыццём яго стала вялікая колькасць маладых выканаўцаў, што стала моцным крокам харэографа. І пастаноўка атрымалася вельмі пяшчотнай, вытанчанай», — расказала Кацярына Дулава.

З апошніх падзей у тэатры генеральны дырэктар назвала балет «Папялушка». «Нарадзілася пастаноўка хутка, літаральна за два месяцы, але спектакль адбыўся і вельмі спадабаўся нашаму журы (VIII Рэспубліканскага конкурсу тэатральнага мастацтва „Нацыянальная тэатральная прэмія“. — Заўв. БелТА), як і салістка Аліна Рудэнка, якая атрымала прыз за найлепшую жаночую ролю», — адзначыла Кацярына Дулава.

Яшчэ адна падзея, якая ўскалыхнула жыццё творчага калектыву, па словах яго кіраўніка, — праграма, якая аб’яднала два шэдэўры Моцарта: 6 снежня ў Вялікім прагучалі Сімфонія № 40 соль мінор і Рэквіем рэ мінор. «І аркестр, і хор пацвердзілі сваю цалкам бліскучую форму», — падкрэсліла яна.

Як адзначыла Кацярына Дулава, сёння ў тэатры плануюць сваю работу на 2026 год. «Мы ўжо пачалі подступы да „Набука“ Джузэпэ Вердзі разам з італьянскай камандай, якую ўзначальвае знакаміты рэжысёр Джанкарла дэль Манака. У канцы сакавіка чакаем прэм’еру спектакля. Мяркуем, гэта будзе цікавая пастаноўка з вельмі яркай сцэнаграфіяй. Дырыжорам выступіць Арцём Макараў», — расказала Кацярына Дулава.

Таксама ў Вялікім тэатры Беларусі працуюць над абнаўленнем «Баядэркі» Л. Мінкуса. І гэта хутчэй за ўсё атрымаецца новая версія спектакля. «Сёння нараджаецца канцэпцыя „Балетнага лета ў Вялікім“, дзе загаловачнай стане гераічная тэма», — адзначыла генеральны дырэктар.