На яго думку, пытанні забруджвання атмасфернага паветра актуальныя ва ўсім свеце. Асабліва актуальныя яны для Беларусі. «Па статыстычных даных сумарныя выкіды забруджвальных рэчываў у атмасфернае паветра за 2024 год склалі 865 тыс. т. За апошнія пяць гадоў гэта гістарычны мінімум. Усяго ж за апошнія дзесяць гадоў дзякуючы намаганням дзяржавы, бізнесу, прадпрыемстваў, арганізацый нам удалося знізіць выкіды ў атмасфернае паветра на больш чым 31 тыс. т. Большая палова — выкіды ад аўтамабіляў. І для такога мегаполіса, як Мінск, праблема выкідаў асабліва актуальная. У горадзе вялікая колькасць аўтатранспарту, і толькі ад яго выкіды складаюць каля 82 % ад агульнай колькасці», — адзначыў Сяргей Масляк.

Актуальным кірункам развіцця ён лічыць электратранспарт. «Штогод усё больш пасажырскага электратранспарту з’яўляецца на вуліцах нашых гарадоў. Не выключэнне і электрамабілі. Калі ў 2017 годзе колькасць электрамабіляў складала ўсяго толькі 70 адзінак, то да канца 2024-га гэта лічба вырасла да 24 тысяч, а паводле аператыўных звестак, да канца 2025 года — пачатку 2026 года іх колькасць узрасце да 50 тысяч і тое, што сёння электратранспарт урываецца ў сферу жыллёва-камунальнай гаспадаркі, таму пацвярджэнне», — падкрэсліў ён.