Выпускныя вечары з уручэннем атэстатаў, у тым ліку асаблівага ўзору з узнагароджаннем залатым або сярэбраным медалём, праходзяць на базе школ. У асобных выпадках выпускны вечар можа праводзіцца ва ўстановах дадатковай адукацыі дзяцей і моладзі або ва ўстановах культуры. Час пачатку выпускнога вечара, яго працягласць, а таксама месца правядзення вызначаюцца рашэннем кіраўніка ўстановы агульнай сярэдняй адукацыі з удзелам бацькоўскага камітэта.

Выпускныя вечары для мінчан, якія скончылі 11 класаў, будуць арганізаваны сёлета ў новым фармаце. Спачатку ўрачыстыя часткі пройдуць на базе навучальных устаноў, а забаўляльная частка — на чатырох буйных культурна-забаўляльных пляцоўках горада: «Чыжоўка-Арэна», Футбольны манеж, Палац спорту і спартыўна-культурны цэнтр Беларускага дзяржаўнага ўніверсітэта культуры і мастацтваў. У сцэнарыях канцэртных праграм адзіных выпускных вечароў знойдуць адлюстраванне тэмы Года беларускай жанчыны, 85-годдзя пачатку Вялікай Айчыннай вайны, творчыя пастаноўкі і музычныя кампазіцыі будуць перадаваць любоў да краіны, выхоўваць у маладога пакалення пачуццё патрыятызму і гонару за Беларусь. Акрамя таго, для дзяцей арганізуюць дыскатэку з сучаснымі хітамі, на свята запросяць беларускіх выканаўцаў, маладзёжных блогераў. Выпускныя вечары, якія пачнуцца апоўначы, плануюць завяршыць на досвітку.

Сёлета звыш 58 тыс. маладых людзей заканчваюць 11 класаў у школах Беларусі.