У Мядзельскім раёне ў рамках праграмы «Адзін раён — адзін праект» рэалізаваны праект ААТ «Мінскі малочны завод № 1» па рэканструкцыі Нарачанскага вытворчага ўчастка (аграгарадок Нарач) у 2022-2024 гадах. Было ўстаноўлена дадатковае абсталяванне, што павялічыла магутнасці вытворчасці на 30 т і дало магчымасць стварыць дадаткова 20 новых рабочых месцаў. Таксама на ўчастку ўстаноўлена абсталяванне для фасоўкі сыроў у спажывецкую тару. Абноўлены ўсе камеры паспявання сыроў. Устаноўлены сучасныя кліматычныя сістэмы, якія даюць магчымасць развівацца цвільным культурам у адпаведнасці з тэхналагічным працэсам.

Папярэдні кошт праекта складаў 20 млн рублёў, пры гэтым праект каштаваў 15 млн рублёў. Праектная акупнасць складае 7,5 года, аднак фактычна назіраецца апярэджанне графіка.

«Важна адзначыць, што гэта адзіная ў краіне прамысловая вытворчасць сыру з блакітнай цвіллю (выпускаецца тры віды). Прадпрыемства прапануе самую нізкую цану на прадукцыю на рынку, выкарыстоўваючы пры гэтым заквасачныя і цвільныя культуры вядучых сусветных вытворцаў. 80% прадукцыі пастаўляецца на экспарт. Асаблівая ўвага ўдзяляецца развіццю прамысловага турызму: штомесяц вытворчасць наведваюць больш як 600 турыстаў», — адзначылі ў прэс-службе ўрада.