Турыст з Беларусі здзяйсняў узыходжанне на Эльбрус, не выканаўшы абавязковую рэгістрацыю маршруту ў МНС, і перастаў выходзіць на сувязь. Яго знайшлі мёртвым. Пра гэта паведамляе Sputnik. by.
Беларускі турыст загінуў на Эльбрусе з-за таго, што ў яго не было прыдатнага абутку і адзення, ён, верагодна, заблудзіўся ў тумане і ўпаў, такое меркаванне выказаў ратавальнік Эльбрускага высакагорнага пошукава-выратавальнага атрада МНС Расіі Бека Цындэліяні.
Цындэліяні быў адным з тых, хто шукаў турыста-беларуса ў раёне Тэрскольскага вадаспаду.
Выратавальнік звярнуў увагу на тое, што, мяркуючы па пашкоджаннях, беларус упаў з вялікай вышыні.
«Наверсе там ёсць палі, дзе вельмі высокая трава, круты ўхіл. Падыходнага абутку не было, адзення не было, мне здаецца. У тумане, мусіць, заблудзіўся. Маё меркаванне такое», — сказаў Цындэліяні.
У эфіры таксама паказалі апошняе відэа загінулага беларуса, якое ён даслаў незадоўга трагедыі.
У ім ён кажа: «Сёння спрабуем з вышыні 1900 падняцца на вышыню 3600 у ручным рэжыме. Усё, сцяжынка нешта зусім паменшылася. Я ўжо ёй крыху не давяраю».
