Як расказалі ў Мінпрыроды, адбылося пасяджэнне раённай камісіі па аказанні дапамогі дзікай жывёле. На ім было вызначана месца жыхарства для выратаванага падчас ляснога пажару ласяня. Як паведамляла раней прэс-служба МНС, выконваючы праліўку асобных тлеючых ачагоў, ратавальнікі пачулі жаласны піск. Аказалася, што да дапамогі заклікала маленькае безабароннае ласяня. Вогнеборцы вынеслі яго з небяспечнай зоны і перадалі работнікам мясцовага сельгаспрадпрыемства для аказання дапамогі.

Вырашана, што ласяня будзе жыць у агратурыстычным комплексе «Гарадзенскі маёнтак «Каробчыцы», — гэта кавалачак самага сапраўднага запаведнага лесу ўсяго за 5 км ад Гродна. Жывёла ўжо перададзена ў комплекс.

Скрыншот відэа Мінпрыроды