Ганна Рабава падкрэсліла, што вынікі 2025 года дэманструюць прыемныя лічбы. «Выручка рэзідэнтаў дасягнула $3 млрд (8,6 млрд рублёў). Важнай тэндэнцыяй стаў рост унутранага рынку: выручка ў гэтым сегменце павялічылася на 121% у параўнанні з мінулым годам. Гэта сведчыць аб тым, што кампаніі ўмацоўваюць свае пазіцыі, адчуваюць упэўненасць і бачаць перспектывы работы ўнутры краіны, што карысна для ўсёй нацыянальнай эканомікі», — адзначыла яна.

Колькасць супрацоўнікаў у парку наблізілася да 61 тыс. чалавек, пры гэтым 44% з іх — моладзь. Характэрна, што ПВТ працаўладкаваў практычна трэць усіх выпускнікоў IT-спецыяльнасцяў у краіне за гэты год.

Сёння на пасяджэнні Назіральнага савета для прыняцця ў ПВТ будуць разглядацца рэзідэнты з самых розных сфер, паколькі парк вітае эксперыменты. «Аднак з прыходам штучнага інтэлекту бізнес-мадэлі ў ШT сур’ёзна трансфармуюцца. Калі яшчэ паўгода таму кампаніі асцярожна ацэньвалі ўплыў ШІ, то зараз прызнаюць: Трэнды развіваюцца з палохаючай хуткасцю, а старыя канвеерныя аўтсорсінгавыя мадэлі сыходзяць у мінулае», — падкрэсліла яна.