У сельскагаспадарчых арганізацыях выраблена прадукцыі на 22,7 млрд рублёў, або ў супастаўных цэнах на 5,9% больш, чым у адпаведным перыядзе папярэдняга года. На долю сельскагаспадарчых арганізацый прыпадае 97,7% аб’ёму вытворчасці жывёлы і птушкі (у жывой вазе), малака — 98%, яек — 86,6%.

У сельскагаспадарчых арганізацыях атрымана жывёлы і птушкі (у жывой вазе) 1238 тыс. т, што на 5,3% больш, чым у студзені — жніўні 2025 года, малака — 6226,7 тыс. т (на 2,8% больш), яек атрымана 2304 млн штук (на 1,1% больш).

На 1 верасня 2026 года ў сельскагаспадарчых арганізацыях налічвалася 3,8 млн галоў буйной рагатай жывёлы, у тым ліку кароў — 1,3 млн галоў. Колькасць свіней склала 2,1 млн галоў, птушкі — 51,3 млн галоў.

У сельскагаспадарчых арганізацыях збожжавыя і зернебабовыя культуры (без кукурузы) скошаны з 98,8% плошчаў, якія падлягаюць уборцы (на 1 верасня 2025 года — 95,1%). Усяго намалочана збожжа ў першапачаткова апрыходаванай вазе 7,5 млн т пры сярэдняй ураджайнасці 37,8 цэнтнера з аднаго гектара ўбранай плошчы.

Рапс убраны з 94,5% плошчаў, якія падлягаюць уборцы (на 1 верасня 2025 года — 92,4%). Намалочана рапсу ў першапачаткова апрыходаванай вазе 1,4 млн т, што ў 1,5 раза больш, чым на адпаведную дату 2025 года, сярэдняя ўраджайнасць атрымана 31,7 цэнтнера супраць 25 цэнтнераў на 1 верасня 2025 года.

Прадаўжаюцца работы па нарыхтоўцы кармоў. У сельскагаспадарчых арганізацыях нарыхтавана 7,8 млн т кармоў (у пераліку на кармавыя адзінкі), што на 0,4% больш, чым на 1 верасня 2025 года, з іх кармоў з траў — 4,2 млн т (на 4,8% больш). У разліку на ўмоўную галаву для грамадскага пагалоўя жывёлы кармоў нарыхтавана 19,9 цэнтнера кармавых адзінак (на 2,6% больш), кармоў з траў — 14,5 цэнтнера (на 8,2% больш).