Усяго на конкурс было пададзена 483 заяўкі. Пры вызначэнні пераможцаў улічваліся такія паказчыкі, як выручка ад рэалізацыі прадукцыі, рэнтабельнасць продажаў, экспарт тавараў і паслуг, сума выплачаных падаткаў, дадаткова створаныя рабочыя месцы і іншыя.

У выніку вызначаны 33 пераможцы ў пяці намінацыях: «Паспяховы старт», «Стабільны поспех», «Эфектыўны бізнес у сферы вытворчасці», «Эфектыўны бізнес у сферы паслуг», «Эфектыўны індывідуальны бізнес».

Акрамя таго, звання «Ганаровы прадпрымальнiк» удастоены тры арганізацыі, прызнаныя пераможцамі нацыянальнага конкурсу другі год запар.