Правілы ўступаюць у сілу з 21 ліпеня, тэсціраванне пачнецца ў бягучым годзе. Тэнісісткі цяпер павінны будуць здаць тэст на наяўнасць гена SRY, які звязаны з развіццём арганізма па мужчынскім тыпе. У выпадку адмовы праходзіць тэсціраванне на спартсменак могуць накласці дысцыплінарныя санкцыі.

Папярэднія правілы WTA дазвалялі ўдзел трансгендарных жанчын, калі яны падтрымлівалі паніжаны ўзровень тэстастэрону на працягу двух гадоў да пачатку спаборніцтваў. Пры гэтым, як адзначае Reuters, цяпер трансгендарных спартсменак сярод прафесійных тэнісістак няма.

У сакавіку 2026 года Міжнародны алімпійскі камітэт (МАК) увёў новыя правілы ў жаночых спаборніцтвах, згодна з якімі ўдзел у іх могуць прымаць толькі біялагічныя жанчыны.