У Смаленску фестываль адкрыецца 28 верасня. У Громавай вежы пройдзе прэс-канферэнцыя, а ў кінатэатры «Сучаснік» — урачыстая цырымонія з паказам фільма «39-ы медатрад. Бітва за жыццё» Анастасіі Міхайлоўскай і Арцёма Сомава.

У наступныя два дні прадставяць дакументальныя стужкі расійскіх рэжысёраў. Акрамя таго, 30 верасня ў Смаленскім дзяржаўным інстытуце мастацтваў адбудзецца маладзёжны конкурс кароткаметражак «Еўразія.DOC: 4 хвіліны».

У Мінску фестывальная праграма стартуе 1 кастрычніка. У гэты дзень у 10:00 пачнецца прэс-канферэнцыя, а ў 11:30 — круглы стол «Канфлікты і контуры сучаснага свету».

У кінатэатры «Перамога» паказы пачнуцца ў 11:00, а ў Доме Масквы — у 12:00. Гледачы ўбачаць дакументальныя стужкі з Беларусі, Расіі, Казахстана, Кыргызстана і Узбекістана, а таксама праграмы кароткаметражак. Акрамя таго, у 18:00 у Доме Масквы запланавана сустрэча з членам журы, экспертам фестывалю, пісьменнікам, палітолагам Уладзімірам Сергіенкам.

Галоўны дзень фестывалю - 2 кастрычніка. У Беларускім дзяржаўным музеі гісторыі Вялікай Айчыннай вайны ў 10:00 пачнецца круглы стол «Гадавіна пачатку Вялікай Айчыннай вайны. Генацыд савецкага народа». Пасля яго пакажуць фільм «Дулаг 142 — лагер смерці» Івана Люлюкова.

У Інстытуце гісторыі НАН Беларусі з 14:00 да 17:00 пройдзе навукова-адукацыйная канферэнцыя «Генацыд савецкага народа ў гады Вялікай Айчыннай вайны».

У кінатэатры «Перамога» паказы стартуюць у 11:00. Гледачы ўбачаць фільмы канкурсантаў з Беларусі, Расіі, Ірана і Малдовы. У Доме Масквы ў 12:00 пакажуць праграму кароткаметражак расійскіх аўтараў.

У Беларускай дзяржаўнай акадэміі мастацтваў з 14:00 да 16:00 пройдзе маладзёжны конкурс «Еўразія.DOC: 4 хвіліны».

Завершыцца фестываль урачыстай цырымоніяй у кінатэатры «Беларусь» у 19:00 — гледачам абвесцяць фільм-пераможцу.