Работніку трэба загадзя выбраць дзень для медагляду, напісаць адпаведную заяву і ўзгадніць дату з наймальнікам.

Застаецца з’явіцца ў медустанову ў абяцаны тэрмін, а пасля прынесці меддаведку, якая пацвярджае гэта.

«Працоўны кодэкс гарантуе вызваленне ад працы для праходжання дыспансерызацыі з захаваннем сярэдняга заробку», — звярнулі ўвагу ў ведамстве.

Частата, з якой спецыяліст можа праходзіць дыспансерызацыю, залежыць ад узросту супрацоўніка:

• да 40 гадоў — будуць вызваляцца ад працы 1 раз у 3 гады з захаваннем сярэдняга заробку;
• работнікам, якім 40 гадоў і больш, штогод будзе прадастаўляцца 1 дзень з захаваннем сярэдняга заробку;
• работнікам, якія дасягнулі агульнаўстаноўленага пенсійнага ўзросту, а таксама на працягу 5 гадоў да дасягнення такога ўзросту (жанчыны з 53 гадоў, мужчыны з 58 гадоў), — 2 дні штогод.