На пасяджэнні савета быў разгледжаны і абмеркаваны праект індыкатараў ацэнкі эфектыўнасці ідэалагічнай работы. Яны распрацаваны Адміністрацыяй Прэзідэнта Рэспублікі Беларусь з улікам прапаноў зацікаўленых, у тым ліку з рэгіёнаў у рамках Дырэктывы № 12 «Аб рэалізацыі асноў ідэалогіі беларускай дзяржавы», якая ўступіла ў сілу 11 ліпеня 2025 года.

Як адзначыў першы намеснік кіраўніка Адміністрацыі Прэзідэнта Беларусі Уладзімір Пярцоў, наяўнасць такіх крытэрыяў забяспечыць аб’ектыўны і комплексны падыход да ацэнкі ідэалагічнай работы на прадпрыемствах, рэгіёнах, галінах і краіне ў цэлым. Іх укараненне дасць магчымасць убачыць, наколькі эфектыўна праводзіцца інфармацыйная работа з насельніцтвам розных узроставых груп, ацаніць сацыяльную, грамадска-палітычную актыўнасць грамадзян. 

Індыкатары будуць дапрацаваны з улікам экспертнай думкі членаў Савета. Чакаецца, што распрацаваныя індыкатары будуць агучаны ў жніўні на рэспубліканскай нарадзе з ідэалагічным актывам краіны ў рамках выканання патрабаванняў Дырэктывы № 12.