«Па выніках трох, шасці і дзевяці месяцаў 2025 года доля тавараў айчыннай вытворчасці склала 53,5 працэнта, 54,6 працэнта і 54,9 працэнта адпаведна, у тым ліку па харчовых таварах — 74,8 працэнта, 75,8 працэнта і 76,2 працэнта, нехарчовых — 33,3 працэнта, 34,4 працэнта і 35,1 працэнта», — расказалі ў міністэрстве.

МАРГ сумесна з канцэрнамі, вытворцамі і гандлёвымі арганізацыямі падпісана пагадненне аб супрацоўніцтве ў галіне павышэння эфектыўнасці продажаў тавараў айчыннай вытворчасці. Яно дзейнічае з красавіка 2025 года. Пералік тых, хто далучыўся да яго, павялічваецца.

Пры заключэнні пагаднення бакі ставяць сваімі мэтамі аказваць садзейнічанне пашырэнню і павелічэнню аб’ёмаў продажаў тавараў айчыннай вытворчасці. Каб далучыцца да пагаднення, патрэбна спампаваць форму дакумента, запоўніць яе, падпісаць і праставіць пячатку арганізацыі, а потым накіраваць у МАРГ на электронны адрас mail@mart. gov. by з далейшым накіраваннем арыгінала на адрас: 220030, г. Мінск, вул. Кірава, д.8, корп.1.