Калі пры камандзіроўцы ў работніка няма праязных дакументаў, выдаткі на праезд усё роўна пакрываюцца, але, як правіла, у фіксаваным памеры, а не па фактычным кошце. 

Калі білетаў няма зусім, то выдаткі на праезд работніку пакрыюць у памеры 0,1 базавай велічыні (БВ) у кожны бок. Калі работнік штодня вяртаецца дадому з месца камандзіроўкі і білеты адсутнічаюць — кампенсуецца 0,1 БВ у кожны бок за кожны дзень камандзіроўкі.

У ведамстве падкрэслілі, што выдаткі на праезд не пакрываюцца, калі білеты набываў прымаючы бок, альбо работніку прадастаўлены транспарт, ці ён карыстаецца правам бясплатнага праезду.

Калі білет не ўтрымлівае ўсіх абавязковых звестак, але работнік ездзіў на аўтамабільным транспарце рэгулярных зносін, то выдаткі пакрываюцца па фактычнай цане, зафіксаванай у білеце.

«Калі білеты не прадастаўленыя, у авансавай справаздачы пазначаецца, што праязныя дакументы адсутнічаюць, а выдаткі па праездзе разлічваюцца ў памеры 0,1 БВ у кожны бок. Пры штодзённым вяртанні для разліку кампенсацыі праезду 0,1 БВ памнажаюць на два і на колькасць дзён», — растлумачылі ў міністэрстве.