Сістэма прызначана для арганізацыі папярэдняга запісу і браніравання даты і часу наведвання прыёмных камісій абітурыентамі ў перыяд прыёму дакументаў для атрымання агульнай вышэйшай і спецыяльнай вышэйшай адукацыі ва ўстановы адукацыі Беларусі. «Яна створыць больш камфортныя ўмовы для абітурыентаў пры падачы дакументаў у ВНУ, знізіць рызыку ўзнікнення чэргаў як у першыя, так і ў апошнія дні работы прыёмных камісій у перыяд прыёму дакументаў», — расказалі ў прэс-службе ведамства.

Для браніравання даты і часу наведвання прыёмнай камісіі ўстановы вышэйшай адукацыі варта ў асабістым кабінеце на сайце Рэспубліканскага інстытута кантролю ведаў абраць у парадку прыярытэту любыя тры камбінацыі: ВНУ — факультэт — спецыяльнасць (з улікам формы навучання). Далей варта выбраць жаданую дату і час наведвання прыёмнай камісіі і раздрукаваць (захаваць) талон з указаннем даты і часу наведвання прыёмнай камісіі ўніверсітэта. Падрабязная пакрокавая інструкцыя апублікаваная на афіцыйным сайце ведамства.

«Важна ўлічваць, што асобы, якія не прымалі ўдзел у ЦЭ і ЦТ у 2025-2026 гадах, скарыстацца электроннай чаргой не змогуць. Абітурыенты, якія не захочуць або па нейкіх прычынах не змогуць скарыстацца электронным талонам, будуць мець магчымасць, як і раней, падаць дакументы ў парадку жывой чаргі», — адзначылі ў міністэрстве.