Па меры спрашчэння працэдуры ўезду, уключаючы ўвядзенне палітыкі 240-гадзіннага бязвізавага транзіту і рэгіянальнага бязвізавага ўезду, усё больш замежных турыстаў прыязджаюць у Кітай, каб пахадзіць па вуліцах і завулках, наведаць вядомыя славутасці і адчуць унікальнае зачараванне краін. У апошні час розныя рэгіёны Кітая актыўна развіваюць спецыялізаваныя турыстычныя праекты, ствараюць імерсіўныя фарматы адпачынку і павялічваюць камфорт вандраванняў для замежных гасцей. Як сучасны кітайскі турызм заваёўвае сэрцы замежнікаў на прыкладзе трох папулярных турыстычных напрамкаў разіралася «Жэньмінь жыбаа» анлайн».

Старажытнае мястэчка на вадзе

У старажытным мястэчку Чжуцзяцзяа раёна Цінпу ў Шанхаі госці могуць адчуць зачараванне воднага краю Усходняга Кітая. Тут 9 старажытных вуліц цягнуцца ўздоўж каналаў, тысячы дамоў пабудаваны каля самай вады, а 36 старажытных мастоў перакінуты праз вадаёмы, што стварае атмасферу класічнага кітайскага жывапісу.

Тут захавалася больш за тысячу будынкаў эпох Мін (1368-1644 гг.) і Цын (1644-1911 гг.), а таксама 12 аб’ектаў нематэрыяльнай культурнай спадчыны нацыянальнага, гарадскога і раённага ўзроўняў — ад гонак на хуткаходных лодках да народных песень і традыцыйных тэхналогій прыгатавання салёнай гародніны.

«Чжуцзяцзяа найбольш захаванае старажытнае воднае мястэчка ў Шанхаі. Паколькі Шанхай з’яўляецца „першым прыпынкам для ўязнога турызму ў Кітай“, папулярнасць Чжуцзяцзяа натуральным чынам расце», — адзначыў Сунь Ліцін, кіраўнік Канцылярыі па справах партыйна-масавай працы мястэчка. У 2024 годзе Чжуцзяцзяа наведалі 5,7 мільёна турыстаў, каля 30% з якіх — замежнікі. 

Дамы на палях

У старажытным мястэчку Фэнхуан аднайменнага павета правінцыі Хунань (Цэнтральны Кітай) дамы на палях адлюстроўваюцца ў ізумоудных водах ракі Тацзян. Як папулярны напрамак для ўязнога турызму, мястэчка паляпшае сэрвіс для замежных гасцей у розных аспектах.
Для зручнасці турыстаў у чатырох турыстычных цэнтрах рэалізавана сістэма паказальнікаў і даведнікаў на трох мовах: кітайскай, англійскай і карэйскай. Больш за 200 магазінаў аснашчаны тэрміналамі для замежных карт, а ў двух турыстычных цэнтрах устаноўлены аўтаматы для абмену валюты. Турыстычная зона таксама абнавіла інтэлектуальную сістэму навігацыі, замежным турыстам дастаткова адсканаваць QR-код, каб атрымаць электронную карту і аўдыягід.

З пачатку года павет Фэнхуан прыняў больш за 73 тысяч замежных турыстаў з больш як 20 краін і рэгіёнаў свету, што на 17% больш у параўнанні з аналагічным перыядам мінулага года.

Інтэрактыўны квартал у Сіане

Тэматычны квартал «Дванаццаць гадзін Чан’аня» у Сіане правінцыі Шэньсі (Паўночна-Заходні Кітай) стаў папулярным месцам сярод замежных турыстаў дзякуючы тэхналагічнаму і імерсіўнаму вопыту.

  «З таго часу, як бязвізавы транзітны перыяд быў працягнуты да 240 гадзін, колькасць замежных турыстаў квартала значна ўзрасла», — адзначыў Цзоў Ліньфэн, кіраўнік тэматычным кварталам. Арэнда касцюмаў эпохі Тан (618-907 гг.), VR-праекты і тэхналогія AI для фатаграфій дазваляюць турыстам цалкам пагрузіцца ў атмасферу старажытнай сталіцы.

  Паводле статыстыкі, сёлета толькі падчас пяцідзённых канікулаў з нагоды Першамая славутасці класа 3A і вышэй у Сіане прынялі на 149,73% больш замежных турыстычных груп у параўнанні з аналагічным перыядам папярэдняга года. Горад пастаянна ўдасканальвае плацежныя сістэмы і спрашчае працэдуры рэгістрацыі ў гатэлях для замежных гасцей.