Сёлета названы гарадскі пасёлак упершыню стане галоўнай пляцоўкай абласнога фестывалю працаўнікоў вёскі «Дажынкі» на Гомельшчыне. Падрыхтоўка да свята ідзе ўжо некалькі месяцаў і цяпер выходзіць на фінішную прамую.
Сімвалічна, што ў Год добраўпарадкавання, напярэдадні першай у гісторыі Лельчыц сустрэчы абласных «Дажынак», райцэнтр перажывае маштабнае абнаўленне: добраўпарадкаваны двары, адрамантаваны ўстановы гарпасёлка, створаны новыя зоны для адпачынку. Падрыхтоўка да фестывалю працаўнікоў вёскі аб’яднала ўсе прадпрыемствы і арганізацыі раёна. Калектывы банкаў, пошты, камунальных службаў, устаноў культуры і адукацыі, прадстаўнікі дэпутацкага корпуса, райвыканкама і ўсе неабыякавыя жыхары гарпасёлка за гэты час не раз выходзілі на суботнікі, наводзілі парадак. Адным з актыўных удзельнікаў грамадскай ініцыятывы па добраўпарадкаванні родных Лельчыц стаў калектыў раённага Цэнтра культуры і народнай творчасці.
— Мы ставім перад сабой мэту — зрабіць прастору вакол нас сучаснай і ўтульнай. Гэта наш унёсак у агульны вынік, — пераканана дэпутат Лельчыцкага раённага Савета дэпутатаў, кіраўнік раённага цэнтра культуры і народнай творчасці Іна НЕКРАШЭВІЧ.
- Праведзена сур’ёзная мадэрнізацыя сацыяльна значных аб’ектаў. Сярод падарункаў да свята пасёлку і раёну — мадэрнізаваныя цэнтральная кацельня і цэнтральная раённая бальніца, ЗАГС, адрамантаваны школа мастацтваў, кінатэатр, раённы цэнтр культуры і народнай творчасці, Лельчыцкі дзяржаўны каледж, гасцініца, шматкватэрны жылы дом, аўтавакзал, ТЦСАН.
Усе апошнія месяцы перад святам Лельчыцы нагадвалі «гарадок фантанаў» — быццам «дырыжыравала» разнастайнай палівальнай тэхнікай цэлае войска байцоў камунальнага фронту: палівалі свежавысаджаныя клумбы, газоны, самыя неверагодныя кветкавыя кампазіцыі.
Грунтоўнае абнаўленне правялі ў цэнтры гарадскога пасёлка. На пляцоўцы каля кінатэатра «Партызан» — аднаго з цэнтральных месцаў адпачынку і баўлення вольнага часу — камунальныя службы стварылі новую ландшафтную кампазіцыю. Тут з’явіліся кветкавыя формы, дэкаратыўныя элементы і сучаснае асвятленне. Сёння гэта абноўленая тэрыторыя — вельмі яркая візітоўка населенага пункта.
Дарэчы, да падрыхтоўкі Лельчыц да свята далучыліся і суседнія раёны. Спецыялісты з гарпасёлка Акцябрскі дапамаглі ў добраўпарадкаванні, устаноўцы малых архітэктурных форм, ландшафтным будаўніцтве і афармленні тэрыторыі каля кінатэатра «Партызан».
- Маштабныя работы прайшлі і ў мясцовым парку. Над стварэннем прыгожай зялёнай зоны тут працавалі ў тым ліку прадстаўнікі райвыканкама і ТЦСАН. У парку абноўлены пешаходныя дарожкі, адкрыты новыя зоны адпачынку, сучасная гульнявая пляцоўка для дзяцей і шматфункцыянальная спартыўна-гульнявая зона для аматараў здаровага ладу жыцця. Цяпер, як з гонарам за свой населены пункт адзначаюць жыхары Лельчыц, іх парк будзе вельмі камфортны для людзей усіх пакаленняў.
Між тым для Лельчыц падрыхтоўка да фестывалю працаўнікоў вёскі стала і магчымасцю рэалізаваць шэраг праектаў комплекснага абнаўлення. Праведзена сур’ёзная мадэрнізацыя сацыяльна значных аб’ектаў. Сярод падарункаў да свята пасёлку і раёну — мадэрнізаваныя цэнтральная кацельня і цэнтральная раённая бальніца, ЗАГС, адрамантаваны школа мастацтваў, кінатэатр, раённы цэнтр культуры і народнай творчасці, Лельчыцкі дзяржаўны каледж, гасцініца, шматкватэрны жылы дом, аўтавакзал, ТЦСАН. Абноўленыя аб’екты адкрыюцца напярэдадні свята або ў дзень правядзення фестывалю працаўнікоў вёскі.
Як перакананы працаўнікі калектываў і арганізацый Лельчыц, якія актыўна падтрымалі добраўпарадкаванне роднага населенага пункта, правядзенне абласнога фестывалю працаўнікоў вёскі ў Лельчыцах стане не толькі падзеяй рэгіянальнага маштабу, але і важным крокам у развіцці райцэнтра.
— Падрыхтоўка да правядзення свята дала вельмі значны імпульс да развіцця Лельчыц. Праведзены капітальны і бягучы рамонт, рэканструкцыя больш як 180 аб’ектаў, — адзначыў старшыня Лельчыцкага райвыканкама Сяргей ДЫЛЮК. — Безумоўна, не можа не радаваць тое, што новыя, вельмі запатрабаваныя аб’екты, якія з’явіліся як падарункі да свята, будуць яшчэ доўгія гады служыць і цешыць вока нашых жыхароў.
Наталля КАПРЫЛЕНКА
Фота lelchіtsy.by
