Паводле інфармацыі Белгідрамета, вільгацезабяспечанасць на большай частцы тэрыторыі краіны заставалася дастатковай. Але ў паўднёвых абласцях культура часткова пацярпела ад глебавай засухі.

Тэмпературны рэжым у сярэдзіне лета нярэдка быў ніжэйшы за аптымальны для развіцця кукурузы. Тым не менш назапашаная сума эфектыўных тэмператур вышэй за +10 °С перавысіла паказчыкі мінулага года.

Цёплае надвор’е ў канцы жніўня і ў першай палове верасня садзейнічала пачатку паспявання збожжа кукурузы. У гэты час гаспадаркі пачалі масавую ўборку кукурузы на сілас.

Паводле апошніх звестак, на непрыбраных палях у кукурузы назіраецца ў асноўным васковая і поўная спеласць, месцамі на позніх пасевах працягваецца наліў збожжа.

«У другой палове верасня з-за няўстойлівага надвор’я ўмовы для паспявання і прасыхання збожжа кукурузы, а таксама правядзення ўборачных работ будуць складвацца не лепшым чынам», — папярэдзілі ў Белгідрамеце.