Многія памылкова мяркуюць, што пры продажы рэчаў у Інтэрнэце яны ў бяспецы, бо грошы павінны прыходзіць ім. Аднак статыстыка кіберзлачынстваў паказвае адваротнае: сёння менавіта прадаўцы зноў сталі мішэнню кібермахляроў. Адбываецца ўсплёск старой схемы-фішынгу пад выглядам бяспечнай дастаўкі. Махляры выкарыстоўваюць псіхалагічны ціск і падробленыя старонкі, каб пад маркай аплаты за ваш тавар спустошыць ваш рахунак.

Як працуе пастка:

Усё пачынаецца з таго, што ветлівы пакупнік адводзіць вас з гандлёвай пляцоўкі ў іншы месенджар (Viber або WhatsApp). Там вам дасылаюць спасылку на старонку, якая на 100 % капіруе інтэрфейс вядомай службы дастаўкі. На старонцы красуецца фота вашага тавару і кнопка атрымаць грошы, але за ёй хаваецца крадзеж. Як толькі вы ўводзіце нумар карты, тэрмін дзеяння і CVV-код, зламыснікі атрымліваюць поўны доступ да вашых зберажэнняў.

Галоўныя чырвоныя сцягі :

Дзіўны адрас сайта. У радку браўзэра замест афіцыйнай назвы — лішнія словы накшталт: pay, safe або канчаткі .top, .online.

Міф пра люстраны баланс. Сайт патрабуе, каб на вашай карце была сума, роўная кошту тавару. Запомніце: для залічэння грошай баланс карты можа быць нулявым!

СМС на залічэнне: СМС-код ад банка пацвярджае толькі спісанне сродкаў. Увялі код — пацвердзілі крадзеж уласных грошай.

Нагадваем базавыя правілы бяспекі прадаўца:

Не выходзьце за межы пляцоўкі. Вядзіце перапіску толькі ва ўнутраным чаце — там працуюць фільтры бяспекі. 

Ігнаруйце любыя спасылкі ад пакупнікоў. Калі чалавек сцвярджае, што ўжо ўсё аплаціў, не цісніце на яго спасылкі. Правярайце статус замовы толькі на афіцыйным сайце службы.

 

Выконвайце правіла 16 лічбаў. Для атрымання аплаты патрэбен толькі нумар карты. Тэрмін дзеяння, CVV-код і СМС-коды запытваюць выключна ашуканцы!

Выкарыстоўвайце асобную карту. Завядзіце віртуальную карту з нулявым балансам спецыяльна для разлікаў у Інтэрнэце.

Калі вы ўвялі даныя карты на падазроным рэсурсе, неадкладна заблакіруйце яе праз дадатак і звярніцеся ў банк.