У ведамстве падкрэслілі, што работадавец абавязаны ажыццявіць да пачатку правядзення пасяўной падрыхтоўку рабочых месцаў. «Арганізацыя рабочых месцаў павінна забяспечваць бяспеку працы на ўсіх этапах выканання работ. Павінны быць устаноўлены небяспечныя зоны, да якіх трэба аднесці, у тым ліку, зоны работ сельскагаспадарчых машын», — расказалі ў прэс-службе.

Асаблівую ўвагу трэба ўдзяліць спраўнасці тэхнікі. «Абавязкова назначаюцца службовыя асобы, адказныя за спраўны стан сельскагаспадарчых машын, іх бяспечную эксплуатацыю, выпуск на лінію ў спраўным стане і тэхнічнае абслугоўванне», — адзначылі ў міністэрстве.

У дапамогу аграрыям выступяць інспектары Дэпартамента дзяржінспекцыі працы. Ва ўсіх раёнах рэспублікі арганізаваны рэйды мабільных груп райвыканкамаў з удзелам дзяржаўных інспектараў дэпартамента. Іх мэта — аператыўна аказваць практычную і метадычную дапамогу кіраўнікам і спецыялістам сельгасарганізацый у забеспячэнні бяспекі працы пры арганізацыі і правядзенні пасяўной кампаніі