Беларусь праводзіць адзіную палітыку ў сферы забеспячэння бяспекі, эфектыўнасці і якасці медыцынскай прадукцыі, якая паступае ў рэспубліку. «Мы з упэўненасцю можам гаварыць, што дзякуючы гэтай сістэме якасць прадукцыі кантралюецца на розных этапах», — падкрэсліў Дзмітрый Грынько.

Паводле слоў дырэктара, на этапе ўваходу на рынак праводзіцца жорсткая дзяржаўная рэгістрацыя лекавых прэпаратаў, а перад непасрэдным паступленнем прадукцыі на рынак яна праходзіць абавязковы лабараторны кантроль. «Пастаянна дзейнічае сістэма маніторынгу пабочных эфектаў і іншых негатыўных наступстваў прымянення лекавых прэпаратаў», — растлумачыў ён.

Цяпер у Беларусі працуюць 57 айчынных вытворцаў лекавых прэпаратаў. «Па якасці айчынныя прэпараты нічым не адрозніваюцца ад лякарстваў, вырабленых на захадзе або ўсходзе», — дадаў дырэктар.

Дзмітрый Грынько таксама адзначыў, што беларускі вопыт праверкі медыкаментаў заслугоўвае ўвагі. Паводле яго слоў, некаторыя нацыянальныя механізмы рэгістрацыі лекавых прэпаратаў перанялі краіны Еўразійскага эканамічнага саюза. Строгая сістэма кантролю, як адзначыў дырэктар, дае магчымасць пазбягаць гучных выпадкаў, звязаных з негатыўнымі наступствамі ад лекавых прэпаратаў.