У Міністэрстве падкрэслілі, што права на працоўную пенсію маюць грамадзяне, якія дасягнулі агульнаўстаноўленага ўзросту (для жанчын гэта 58 гадоў, для мужчын — 63 гады) і сфармавалі страхавы стаж не менш за 20 гадоў.

Месяц страхавога стажу роўны месяцу працы або ажыццяўлення самастойнай дзейнасці, толькі калі памер даходу, з якога выплачаны ўзносы ў Фонд сацыяльнай абароны насельніцтва (ФСАН), у гэты месяц не менш памеру мінімальнай заработнай платы. Калі даход, з якога выплачаныя ўзносы ў ФСАН, да прыкладу, роўны палове мінімальнай заработнай платы, то страхавы стаж складзе палову месяца, растлумачылі ў ведамстве. 

«Памятаеце, калі ваш працадаўца ці вы самі як фізічная асоба, якая ажыццяўляе прадпрымальніцкую дзейнасць, не аплацілі ўнёскі ў ФСАН з памеру мінімальнай заработнай платы, то вы не сфармавалі месяц страхавога стажу», — падкрэслілі ў Мінпрацы.

У ведамстве таксама нагадалі, што даведацца пра свой страхавы стаж, які быў сфармаваны з 2003 года, можна праз мабільны дадатак ФСАН ці асабіста звярнуўшыся ў тэрытарыяльны орган Фонду сацыяльнай абароны насельніцтва.