У Мінпрацы адзначылі, што выпускнікі прафесійна-тэхнічных устаноў, сярэдніх спецыяльных навучальных устаноў і ВНУ (незалежна ад спецыяльнасці), а таксама грамадзяне, якія не працавалі больш за год з-за догляду дзіцяці да 3 гадоў, выхавання дзіцяці-інваліда (да 18 гадоў), праходжання тэрміновай ваеннай або альтэрнатыўнай службы, могуць звярнуцца ў службу занятасці па месцы жыхарства. Гэта таксама датычыцца тых, хто хоча хутка адаптавацца да прафесіі і палепшыць свае навыкі або каму патрэбен афіцыйны працоўны стаж для рэзюмэ.

У службе занятасці дапамогуць падабраць вакансію па спецыяльнасці і заключаць тэрміновы працоўны дагавор на тэрмін ад 2 да 6 месяцаў. Так тыя, хто звярнуўся, змогуць пачаць працаваць. 

У гэтым выпадку ёсць і бонус для работадаўцы: дзяржава кампенсуе выдаткі па аплаце працы прынятага работніка (у памеры мінімальнай заработнай платы, плюс страхавыя адлічэнні).

Выпускнік жа атрымлівае практычны досвед па прафесіі, афіцыйнае працаўладкаванне і заробак не ніжэйшы за мінімальны (цяпер гэта Br726 пры ўмове, што ён адпрацаваў увесь месяц).

Аднак уладкавацца не атрымаецца ў бюджэтныя арганізацыі (школы, бальніцы, дзяржустановы).

Для звароту выпускніку трэба падрыхтаваць наступныя дакументы: пашпарт, дыплом або пасведчанне аб адукацыі, працоўную кніжку (калі ёсць) і прыйсці ў службу занятасці.