Супрацоўнікі МУС прапанавалі пітную ваду ўдзельнікам дарожнага руху, узмацнілася прысутнасць вартавых парадку ў грамадскіх месцах.

Не засталіся збоку і прадстаўніцы БСЖ МУС. З дабрачыннай місіяй актывісткі наведалі шпіталь і Цэнтральную паліклініку: пацыентам і медработнікам раздалі вялікі запас вады, а ў палатах з’явіліся вентылятары.

Старшыня аб’яднанай арганізацыі МУС грамадскага аб’яднання «Беларускі саюз жанчын» Наталля Сахарчук адзначыла:

«Бяром прыклад з нашага міністра, які заўсёды клапоціцца як пра асабовы склад, так і пра грамадзян. З калегамі стараемся быць менавіта там, дзе наша дапамога найбольш патрэбная. Калі слупкі тэрмометраў зашкальваюць, асабліва важна паклапаціцца пра тых, хто знаходзіцца на лячэнні. Таму пры падтрымцы падраздзяленняў унутраных войскаў МУС аператыўна рэалізавалі добрую ініцыятыву. Да акцыі падключыліся нашы пярвічныя суполкі па ўсёй краіне. Мы заўсёды гатовыя дапамагаць! Служыць людзям — гэта не толькі абавязак, але і загад сэрца!».

Акрамя таго, бутэлькі з пітной вадой атрымалі супрацоўнікі патрульна-паставой службы і экіпажы Дзяржаўтаінспекцыі. Увагай не абышлі кіроўцаў, пасажыраў, пажылых людзей і дзяцей.