«У краіне рэалізуецца дзяржаўная праграма па падтрымцы прадпрымальніцтва. Асобным аспектам гэтай падтрымкі з’яўляецца фінансавая дапамога прадпрымальнікам для таго, каб яны пачалі рэалізоўваць бізнес або інвесціравалі дадатковыя грошы ў развіццё. У рамках гэтай ініцыятывы прадугледжана фінансаванне ад Беларускага фонду фінансавай падтрымкі прадпрымальнікаў або ад Банка развіцця разам з банкамі-партнёрамі. У гэтым годзе пачата рэалізацыя 106 інвестыцыйных праектаў на больш як 20 млн рублёў», — сказаў Іван Вежнавец.
Малое і сярэдняе прадпрымальніцтва займае ўсё большую долю ў эканоміцы краіны. «На сёння ўжо больш як 27% ВУП фарміруецца малымі і сярэднімі прадпрыемствамі. Ёсць асобныя сектары эканомікі, у якіх МСП займае ўжо больш за палавіну. Напрыклад, гэта сфера грамадскага харчавання, дзе 52% — суб’екты малога і сярэдняга бізнесу. Сёння сектар МСП — гэта ўжо амаль 135 тыс. юрыдычных асоб, больш як 200 тыс. індывідуальных прадпрымальнікаў і недзе 250 тыс. самазанятых», — адзначыў першы намесніка міністра.
Акрамя таго, суб’екты МСП ствараюць пятую частку прамысловай вытворчасці, амаль трэць рознічнага тавараабароту, трэць падатковых паступленняў, 39% экспарту тавараў і 57,5% экспарту паслуг. У сектары занята 1,7 млн чалавек, што з’яўляецца максімумам за апошнія пяць гадоў.
Ужо чацвёрты год запар Міністэрства эканомікі ўзначальвае работу па правядзенні Беларускага тыдня прадпрымальніцтва. У гэтым годзе яна праходзіць 16-20 лістапада. «Традыцыйна кожны дзень мы раскрываем спецыфічную тэму і праводзім мерапрыемствы. Першы дзень прысвечаны падтрымцы маладзёжнай прадпрымальніцкай ініцыятывы — гэта мерапрыемствы ў ВНУ, падвядзенне вынікаў конкурсаў сярод моладзі. Другі дзень арыентаваны на цэнтры падтрымкі прадпрымальніцтва, куды прадпрымальнікі могуць звярнуцца па нейкую дадатковую дапамогу, кансультацыю, паслугі. Трэці дзень тыдня прысвечаны падтрымцы турызму. Чацвёрты — дзень саветаў па падтрымцы прадпрымальніцтва, асноўная тэма — дыялог паміж дзяржавай і бізнесам, можна абмеркаваць набалелыя пытанні і знайсці ўзаемапрымальныя рашэнні па важных аспектах. А пяты, заключны дзень Беларускага тыдня прадпрымальніцтва звычайна завяршаецца цырымоніяй узнагароджання пераможцаў конкурсу «Прадпрымальнік года», — праінфармаваў Іван Вежнавец.