Пытанне з вывазкай бураломнай драўніны застаецца на кантролі ў Мінлясгасе. Напярэдадні кіраўнік галіны Аляксандр Кулік запатрабаваў ад кіраўнікоў на месцах актывізаваць тэмпы работ, паведамілі ў ведамстве.
Па даручэнні міністра група спецыялістаў Мінлясгаса і падведамных арганізацый працавала на Гомельшчыне. Менавіта гэтая вобласць найбольш моцна пацярпела ў выніку стыхіі ў ліпені летась.
Мэта работы ў Гомельскай вобласці — на свае вочы ацаніць яшчэ не вывезеныя аб’ёмы і стан драўніны.
