Паводле яго слоў, будуюцца новыя аб’екты, у тым ліку ліўневыя ачышчальныя збудаванні. Адзін з найбольш буйных праектаў — узвядзенне ліўневага калектара «Яркава», які забяспечыць водаадвядзенне з тэрыторыі Фрунзенскага раёна. Завяршыць работы тут плануецца да канца года. Праектуецца яшчэ некалькі аб’ектаў перахопу ліўневых сцёкаў.

Сяргей Панеў адзначыў, што прадугледжаны перахоп вялікага аб’ёму вады на падыходах да Фрунзенскага раёна ў вузкіх месцах, дзе ліўнеўкі не спраўляюцца. 

У цэлым у горадзе распрацавана праграма, якая прадугледжвае комплекс мерапрыемстваў па папярэджанні падтапленняў. Яны будуць рэалізаваны ў тры этапы. На першым спецыялісты вырашаць першачарговыя задачы, знімуць вострыя моманты, затым пачнуць укараненне рашэнняў на сярэднетэрміновую перспектыву.

«Трэці этап — агульныя характэрныя пытанні ў частцы будаўніцтва выпускных калектараў, ачысткі сістэм, — адзначыў Сяргей Панёў. — Да першай чаргі мы пачалі і плануем рэалізаваць за бліжэйшыя год - паўтара, у поўным аб'ёме - да канца наступнага года. Схемы (адводу дажджавой вады. - Заўвага БЕЛТА) разлічаны, падрыхтаваны. Займаемся рэалізацыяй».