«Такі статус (шматдзетнай. — Заўв. БелТА) атрымлівае сям’я, якая мае трох і больш дзяцей, аднак ёсць сем’і з пяццю, сямю і нават дзесяццю дзецьмі», — сказаў Андрэй Лабовіч. 

Міністр таксама адзначыў некалькі характэрных рыс да сярэднестатыстычнага партрэта беларускай шматдзетнай сям’і. «Гэта поўная сям’я з трыма і больш дзецьмі, якая займае актыўную грамадзянскую пазіцыю, удзельнічае ў грамадскім жыцці сваіх рэгіёнаў. Пры гэтым дзеці не менш актыўныя, чым бацькі. Яны займаюцца спортам, творчасцю, удзельнічаюць у розных алімпіядах і конкурсах і інш. Кожная такая сям’я — прыклад для моладзі, якая задумваецца аб стварэнні сям’і», — дадаў Андрэй Лабовіч.