— Людзей на сваіх машынах у Расію выязджае вельмі шмат. Таму быў створаны адзіны дагавор, які адначасова распаўсюджвае сваё дзеянне як на тэрыторыі Рэспублікі Беларусь, так і на тэрыторыі Расіі. Паслуга аказалася вельмі запатрабаванай. Адзіны важны нюанс — гэты поліс заключаецца выключна ў электронным выглядзе, — адзначыў кіраўнік прадпрыемства.

Таксама Якубіцкі звярнуў увагу на маштабныя змены ў разліку лімітаў адказнасці па абавязковай «аўтаграмадзянцы». Страхавая сфера цалкам адышла ад прывязкі да замежнай валюты, перавёўшы ўсе разлікі ў нацыянальныя паказчыкі.

— Калі раней усе ведалі ліміт 10 000 еўра, то цяпер мы адышлі ад валюты і перавялі паказчыкі ў базавыя адзінкі. На сённяшні дзень ліміт адказнасці па дагаворы складае 1150 базавых велічынь. Калі перавесці гэта ў еўра па бягучым курсе, то атрымліваецца нават больш за 15 000 еўра, гэта значыць максімальны памер выплат істотна павялічыўся, — падкрэсліў спецыяліст.