Тэмпература вады ў рэках знаходзіцца ў межах ад 16 да 26 градусаў, у іншых вадаёмах — 21–26 градусаў вышэй за нуль.

Па стане на 20 ліпеня на рэках краіны назіраюцца ваганні ўзроўняў вады з інтэнсіўнасцю ў асноўным 1–13 см за суткі. На прытоку Нёмана — рацэ Рось каля вёскі Студзянец — узровень вады перавышае адзнаку выхаду вады на пойму. На Нёмане ў Гродне, Дняпры каля Магілёва, Жлобіна, Рэчыцы і Лоева, Бярэзіне каля Бабруйска і Светлагорска, Сожы каля Крычава, Слаўгарада і Гомеля ўзроўні вады знаходзяцца ніжэй за адзнакі, якія лімітуюць суднаходства. Узроўні вады блізкія да небяспечных нізкіх адзнак для суднаходства на Прыпяці каля вёскі Чэрнічы і Мазыра.

Па прагнозах гідролагаў, у бліжэйшыя дні істотных змяненняў у тэрмічным рэжыме і ўзроўнях на рэках не чакаецца.