У Беларусі 13 жніўня будзе пераважна без ападкаў, па поўначы чакаюцца невялікія кароткачасовыя дажджы. Пра гэта паведамілі БелТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У сераду чакаецца пераменная воблачнасць. Пераважна без ападкаў, толькі днём месцамі па поўначы краіны пройдуць невялікія кароткачасовыя дажджы. У начныя і ранішнія гадзіны ў асобных раёнах магчымы слабы туман. Вецер ноччу прагназуецца няўстойлівы слабы, днём паўночна-заходні 3--8 м/с.

Тэмпература паветра ўначы складзе 7--13 градусаў цяпла, па захадзе — да плюс 15 градусаў. Днём будзе 21--26 градусаў вышэй за нуль, па паўднёвым захадзе —  да 28 градусаў цяпла.