У чацвёртым квартале 2025 года працягнулася запаволенне прыросту спажывецкіх цэн. У гадавым выражэнні прырост у снежні 2025 года склаў 6,8 % супраць 7,1 % у верасні. Гэтаму спрыяла памяншэнне знешняга цэнавага ціску (зніжэнне інфляцыі ў Расіі і цэн на сусветных рынках), а таксама сітуацыя на ўнутраным спажывецкім рынку (перш за ўсё на рынку плодаагародніннай прадукцыі).

Добры ўраджай айчыннай агародніны і ўмераны рост цэн вытворцаў сельскагаспадарчай прадукцыі, а таксама спрыяльная кан’юнктура сусветнага рынку ў частцы імпартных паставак плодаагародніннай прадукцыі абумовілі запаволенне сезонных цэн да нізкага ўзроўню — 1,3 % у снежні 2025 года супраць 7,6 % у верасні 2025-га. Зніжэнне інфляцыі ў Расіі і патанненне асобных прадуктаў харчавання на сусветных рынках абмяжоўвалі ўздзеянне імпартуемай інфляцыі на цэны ў Беларусі. Нараўне з менш актыўным спажывецкім попытам на ўнутраным рынку гэта садзейнічала запаволенню базавай інфляцыі.

Інфляцыйныя чаканні ў эканоміцы фактычна захоўваюцца на адным узроўні.