У планах і іншыя пашырэнні сістэмы «Е-Паслугі». Напрыклад, «Е-Кантракт» ацэняць тыя, хто часта сутыкаецца з заключэннем дагавораў. Праект закліканы аўтаматызаваць гэты руцінны працэс, уяўляючы сабой сховішча ўжо гатовых шаблонных дагавораў, дзякуючы чаму наступныя версіі дакумента не трэба рэдагаваць, уносіць у іх змены шляхам аўтарызацыі ўдзельнікаў:

— Неабходна толькі пацвярджэнне, што звесткі, якія на бягучы момант запоўненыя ў дагаворы, карэктныя. Пасля ўзгаднення з аднаго боку дагавор накіроўваецца да другога і таксама падпісваецца, — расказаў Ягор ВОРАНАЎ, начальнік упраўлення інфармацыйных тэхналогій РУП «Нацыянальны цэнтр электронных паслуг».

У сваю чаргу, праект «Е-Вестка» выводзіць на новы ўзровень сістэму паведамленняў. Гэта наступны этап мадэрнізацыі падсістэмы паведамленняў Адзінага партала электронных паслуг. Зручны механізм для атрымання звестак пра тое, што ў дачыненні да грамадзяніна выканана або завершана якая-небудзь электронная паслуга ці адміністрацыйная працэдура, выдадзена адпаведнае адміністрацыйнае рашэнне, расказаў начальнік упраўлення інфармацыйных тэхналогій РУП «Нацыянальны цэнтр электронных паслуг». 

Акрамя таго, паведамляць будуць і пра заканчэнне тэрміну дзеяння дакументаў, неабходнасць замяніць пасведчанне кіроўцы і не толькі. Плануецца выйсці і за межы Адзінага партала электронных паслуг, інтэгруючыся з іншымі дзяржаўнымі інфармацыйнымі рэсурсамі. 


Аміна НАЗАРАВА
Фота БелТА